 |
 |
Aesop's Fables: Ademar49. LEO REGNANS ET SIMIA Cum sibi ferae regem fortissimum Leonem fecissent, ille uoluit [mo]re
regum bonam famam consequi. Factis renuntians prioribus, mutat consuetudinem
: pecus nullum laedere, sanguinem non sumere, sanctam et incorruptam fidem
seruare iurauit. Ex hac re posteaquam poenituit, et mutare naturam non
potuit patientia, coepit aliquos (sic) ducere in secretum, fallacia quaerere
an os foetens haberet. Qui dicerent : Putit, et qui : Non putit, omnes
laniabat, et saturabatur eorum carnibus. Cum de multis hoc faceret, uocat
Simiam ad se; interrogat, si putidum haberet os. Ille (sic) uero cinnamomo
suauius olere dixit, et quasi deorum altaria. Leo uero erubuit laudatorem;
cum sederet, mutauit fidem. The Latin text of Ademar shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). |
