59. LEO SENEX ET VULPIS (Ademar)

Aesop's Fables: Ademar

59. LEO SENEX ET VULPIS
(Perry 142)

Leo in annis deficiens languere fingebat, et per eam fallaciam ceterae bestiae ad uisitandum eum introibant. Leo uero continuo edebat eas. Vulpis autem ueniens stetit ante speluncam, et salutauit eum; interrogata a Leone, cur non introiret, r[es]p[ondit] : Quoniam uideo ineuntium uestigia, non egredientium.
Quia aliorum priuata doctrina nobis debet esse sanitas, et in domum potentis facile est intrare, exire autem iam tardum est.

The Latin text of Ademar shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899).