<< Home Page | Ademar Index

Aesop's Fables: Ademar

9. VACCA, OVIS, CAPELLA ET LEO
(Perry 339)

Vacca, Ouis et Capella obuiam fuerunt cum Leone in saltibus. Hi cum cepissent uasti corporis ceruum, factis partibus, sic est locutus Leo : Ego primam tollo partem, quia nominor Leo. Secundam, quia sum fortis. Tertiam, quia omnibus uobis magis ualeo. Quartam qui titigerit, male patietur. Sicque totam praedam sua improbitas defendit.
Nunquam fidelis cum potente societas sit copulanda.

The Latin text of Ademar shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899).