Caspar Barth (1612)
Book 1 - Fable 13.Lupus et Ovis.
LUpus vorare destinarat olim ovem,
Volebat hoc viderier
Patrare iure: te mihi, inquit, anno aquam
Scio inquinasse calcibus.
Ovicula negante, nata quae foret
Quadrantal anni, an hoc pote?
Sed incitatus improba latro fame
Sibi ipse ius dedit suum.
Potens, nocere pauperi volens, sua
Sibipte ius facit manu.
Caspar von Barth (1587-1658). Fabularum Aesopiarum Libri III, published in 1612. Available online at the University of Mannheim. |
