<< Home Page | Caspar Barth Index

Caspar Barth (1612)

Book 1 - Fable 15. Mater rustica et Lupus.

PLoranti puero iuravit rustica mater
Praedam obiecturam ni premat ora, lupo.
Audiit hoc stabuli circum carecta vagatus,
Iurantique Lupus dat, sine mente fidem.
Sed puer in multum demersus lumina somnum,
Serus materno fungitur obsequio.
Interea stimulante fame sub nocte profunda
Incassum stabuli stat, Lupus, ante fores.
Donec Sole oriente suum compulsus in antrum,
Femineae doluit voci habuisse fidem.
Credere iuranti, nisi re praesente, supinum est,
Femina, praesenti re, quoque cassa fide est.

 


Caspar von Barth (1587-1658). Fabularum Aesopiarum Libri III, published in 1612. Available online at the University of Mannheim.