<< Home Page | Caspar Barth Index

Caspar Barth (1612)

Book 1 - Fable 19. Aquila et Cochlea.

UNguibus arreptam cochleam Iovis ales aduncis
Portabat caelo, nec qua ratione fruisci
Munere fortunae posset felicis, habebat.
Illum haerentem animi cata cum cornicula iuxta
Coniceret [Reg: Conieceret] ; tibi, Rex volucrum, praeda ista futura est
Utilis, in scopulum cum praecipitata per auras
Fregerit illiso restantem pondere testam.
Dixit, ei parens Aquilae vis, extudit astu
Quod, frustra magna coeptum virtute nequibat.
Virtute atque dolo cedit Natura potenti.

 


Caspar von Barth (1587-1658). Fabularum Aesopiarum Libri III, published in 1612. Available online at the University of Mannheim.