Caspar Barth (1612)
Book 1 - Fable 4. Ollae duae.
DVae ollae ab amne raptae abiverant vago,
Ahenea atque fictilis.
Ibi infit aenea: o soror; latus tuum
Meo venito iungere.
Fluentis impetum ut queamus alvei
Simul cavere promptius.
At illa, pridiani adhuc memor luti,
Facesse, dixit, o soror,
Tuum illud, hercle, displicet mihi iugum,
Utrimque cui malum imminet.
Fluenta sive te mihi inferant, tibi
Fluenta sive me offerant.
Potentioris hoc modo sodalitas
Cavenda pauperi viro.
Caspar von Barth (1587-1658). Fabularum Aesopiarum Libri III, published in 1612. Available online at the University of Mannheim. |
