<< Home Page | Caspar Barth Index

Caspar Barth (1612)

Book 2 - Fable 16. Momus.

OMnia carpentem Momum finxere Poetae.
Tres fatuo quondam tulerunt tria munera divi,
Virgo hominem Pallas, taurum Rex aequoris ingens,
Iuno domum; irrisit obscurum corda Minervae
Munus, et in summo volvit sera pectore pendens
Monstraret sensus, cuivis exemptilis, altos.
Taurum adeo, cornu quod non palearibus altis
Infixum gereret, moderari ut lumine fulmen
Posset atrox, ictumque oculis infigere certis.
At domus ingeniosa immobilis audiit, ergo
Spreta viro est. Quodcumque et quam doctumque catumque est,
Omne patet studio carpendi, aptumque notari est.

 


Caspar von Barth (1587-1658). Fabularum Aesopiarum Libri III, published in 1612. Available online at the University of Mannheim.