<< Home Page | Caspar Barth Index

Caspar Barth (1612)

Book 2 - Fable 20. Leo victus.

IMbellis senio, et longis defectus ab annis,
Dum solito victum more parare nequit,
Aegroti faciem simulat Leo, pallida fingit
Ora, gravi ducens ilia cum gemitu.
Advenere ferae male habentem visere Regem,
Quaeque suo properans sedula in officio.
Ille ut quamque antro nactus sine teste profundo,
Dilacerat pensans robur ab ingenio.
Sola dolum vulpes sensit, consulta nocendi,
Vestibuloque Aulae constitit in medio,
Rege salutato, multum laudata doloris,
Aegrotum propius iusta venire, negat.
Omnia te spectant contra vestigia, dixit,
Quamlibet aegrotus sis Leo, nulla retro.
A tenui sapiens cavet irreparabile damnum,
Contempto fatuis quamlibet indicio.

 


Caspar von Barth (1587-1658). Fabularum Aesopiarum Libri III, published in 1612. Available online at the University of Mannheim.