Caspar Barth (1612)
Book 1 - Fable 7. Asinus et Lupus.
VIanti asello inhaeserat pedem spina;
Dolore qui furente multa conquestus
Lupo fit obviam, ferente fortuna.
Is ilico [Reg: ilico] professus esse chirurgum,
Et inde grande praemium sibi pactus,
Manu atque dente tam diu premit vulnus
Secuta donec exiit loco spina.
Malo esse liberatus, aeger ut sensit,
Pedem medentis ilico incutit fronti,
Fugamque init. Lupus male inde collectus
O ultionis apta vis, ait; Quare
Medentem agebam ego, esse qui coquus noram:
Professione qui sua ob lucrum migrat,
Domum tale praemium referre debet.
Caspar von Barth (1587-1658). Fabularum Aesopiarum Libri III, published in 1612. Available online at the University of Mannheim. |
