<< Home Page | Caspar Barth Index

Caspar Barth (1612)

Book 1 - Fable 9. Canis et Caro.

CAnis trahebat ore carnem, eam foco
Vacante clepserat domi,
Et amnis innatabat alveum, in vado
Imago praedae ut exstitit
Imaginatus est canis novam sibi,
Eamque prendere institit.
At ore aperto et illa, vera quae fuit,
Avaro hiatui excidit.
Avarus alterius involans bona
Sua ipse saepe perdidit.

 


Caspar von Barth (1587-1658). Fabularum Aesopiarum Libri III, published in 1612. Available online at the University of Mannheim.