Aesop's Fables: Caxton (1484)
1.14. Of the Egle whiche bare a nutte in his becke and of the rauen
(Perry 490)
He that is sure and wel garnysshed yet by fals counceyll may be bytrayed
/ wherof Esope telleth suche a fable /
An Egle was somtyme vpon a tree / whiche held with his bylle a nutte /
whiche he coude not breke / the rauen came to hym / and sayd / Thow shalt
neuer breke it / tylle thow fleest as hyghe as thow mayst / And thenne
late it falle vpon the stones / And the Egle beganne to flyhe and lete
fall his proye / and thus he lost his notte /
And thus many one ben deceyued thorugh fals counceylle / and by the
fals tongue of other
 Caxton
published his edition of Aesop's fables in 1484. There are modern reprints by
Joseph Jacobs (D. Nutt: London, 1889) and more recently by Robert Lenaghan (Harvard
University Press: Cambridge, 1967). Lenaghan's edition is available at amazon.com.
|
