<< Home Page | J&D Latin Reader Index

Aesop's Fables in J&D Latin Reader

Fable 49. Leo, Asinus et Vulpes

Vulpes, asinus et leo
venatum iverant.
Ampla praeda facta,
leo
asinum illam partiri jubet.
Qui
cum
singulis singulas partes poneret
aequales,
leo
eum correptum dilaniavit,
et vulpeculae
partiendi negotium tribuit.
Illa astutior,
leoni partem maximam apposuit,
sibi vix minimam reservans
particulam.
Tum leo subridens
eius prudentiam laudare,
et unde hoc didicerit
interrogare coepit.
Et vulpes,
Huius me, inquit, calamitas docuit,
quid minores potentioribus debeant.


The First Part of Jacobs & Doering's Latin Reader by E.A. Andrews (1857). Available online at Google Books.