<< Home Page | Phryx Aesopus (Osius) Index

Phryx Aesopus (Osius, 1574)

240. DE SEMICANO ET UXORIbus illius. (Perry 31)

UXores habuisse duas est fama maritum,
Aetas cui sua iam paene senilis erat.
Incipiunt homini qua spargi tempora canis,
Iamque iuventuti noxia ruga venit.
Iunior una, suis erat altera grandior annis
Uxor, et haec odii semina causa dabat.
Crinibus haec ergo nigris spoliasse mariti,
At contra niveis dicitur illa caput.
Paene suis totum sic nudavêre [Reg: nudavere] capillis,
Et coma calvitiem rara relicta dedit.
Non bene inaequales vitae commercia iungunt,
Perpetuae quoniam semina litis habent.


Phryx Aesopus Habitu Poetico, by Hieronymus Osius, 1574 (artist not identified). Available online at the University of Mannheim. This book clearly recycles a set of images from another book of Aesop's fables. In some cases, the illustration does not match the fable shown, and in some cases I have not been able to identify what fable a given illustration is supposed to illustrate.