Phryx Aesopus (Osius, 1574)
267. DE BOVE RUMINANTE, et Porco. (Perry
0)
LArga recumbentem saturarant pabula Taurum,
Corpore qui pingui conspiciendus erat.
More suo qui sic praemansas ruminat herbas,
Dum sua iam tali membra quiete fovet.
Quem cum vidit iners hoc forte quiescere gestu,
Ausus inimice temnere Porcus erat.
Bos quod ali studio, multoque labore requirat,
Reddere non pinguem ni mora longa solet.
Ipse saginari paruo cum tempore possit,
Nôrit [Reg: Noverit] in os quamvis non revocare cibum.
At dixisse bovem perhibent, ego lentius escam,
Tu quaevis avido perdidus [(perhaps: perditus?)] ore feras.
Afferat haec turpem tibi causa necesse saginam,
In quam converti mox facis ipse cibum.
Non habiles unum natura creavit ad usum,
Me natura Bovem provida, teque suem.
Res expendendo prudentior esse labores,
Haec intellectu cura vigere facit.
(no illustration)
Phryx Aesopus Habitu Poetico, by Hieronymus Osius, 1574 (artist not identified). Available online at the University of Mannheim. This book clearly recycles a set of images from another book of Aesop's fables. In some cases, the illustration does not match the fable shown, and in some cases I have not been able to identify what fable a given illustration is supposed to illustrate. |
