Phryx Aesopus (Osius, 1574)
30. MUSCA ET FORMICA. (Perry
521)
MUSCA laboriferae sese ignavissima praefert
Formicae, cui sic verba superba facit:
Aspice quam vilem tua te natura crearit,
Cum modo nata cavis sis habitare locis.
Semper humi reptas, tenuemque requirere victum
Difficili sudans usque labore soles.
In sublime ferant cum me pernicius alae,
Me quoties avium more volare iuvat.
Regi amensa dapes, argentea pocula praebent
Dulce merum, lautis vescor ubique cibis.
Purpureisque mihi stratis de nocte cubandi
Mos est, haec dici vita beata potest.
Saepe puellarum quia mollibus oscula figo
Blanda genis, hac est re quoque dulce frui.
Hanc ut iactantem stolide formica refutet,
Quin illam reliquis laudibus addis, ait?
Improbitas odio tua quod vel ubique laboret,
Teque petant variis damna timenda modis?
Namque flabella solent, et dira venena parari,
Ut te conficiant, seu procul inde fugent.
Nec, tibi quae falso tamen esse beata videtur,
Anni ni modico tempore vita manet.
Sol dum fervet, ovas vescens vitalibus auris,
Occidis hiberno frigore prona mori.
At nimii me non urgent aestate labores,
Ut secura gelu sit redeunte quies.
Dicere cui mos est, quae vult, quae respuat, audit,
Et maledicenti qui maledicat, erit.
Non ali quem reddunt mox commoda parva beatum,
Quem mala nulla premunt magna, beatus erit.
Phryx Aesopus Habitu Poetico, by Hieronymus Osius, 1574 (artist not identified). Available online at the University of Mannheim. This book clearly recycles a set of images from another book of Aesop's fables. In some cases, the illustration does not match the fable shown, and in some cases I have not been able to identify what fable a given illustration is supposed to illustrate. |
