<< Home Page | Phryx Aesopus (Osius) Index

Phryx Aesopus (Osius, 1574)

32. LUPUS ET ASINUS. (Perry 187)

QUEM videt in pratis pascentem, saevus Asello,
Imminet instituens dilaniare Lupus.
Extrahat ante tamen sibi spinam exorat Asellus,
In pede quae fixa huic posteriore fuit.
His cum post Asinum verbis persuasus abiret,
Illo pene necem percutiente tulit.
Stratus humi, est ubi iam vertigo mota cerebro,
Ut fuga mox Asino tuta sit inde facit.
Ad sese rediens tandem Lupus, arte coquendi
Cum valeam, medicam cur profitebar, ait?
Hanc, quam quisque tenet, temere si deserit artem,
Exercens aliam damna pudenda feret.


Phryx Aesopus Habitu Poetico, by Hieronymus Osius, 1574 (artist not identified). Available online at the University of Mannheim. This book clearly recycles a set of images from another book of Aesop's fables. In some cases, the illustration does not match the fable shown, and in some cases I have not been able to identify what fable a given illustration is supposed to illustrate.