<< Home Page | Phryx Aesopus (Osius) Index

Phryx Aesopus (Osius, 1574)

88. CICADAE ET FORMICAE. (Perry 373)

BRumae umectatas Formicae tempore fruges
Siccabant, adit has pressa cicada fame.
Qua poscente cibum, tibi, quo traducitur aestas,
Tempore respondent ille parandus erat.
At mihi stridenti non tunc, ait illa, vacabat,
Sedula cantandi dulce sequebar opus.
Huic, si trita tibi est, respondent cantibus aestas,
Nunc saltare, gelu ne moriare, licet.
Fac, quibus usus eget, ne res acquirere cesses,
Dum licet, atque apti temporis hora sinit.
Tempora ne frustra, cum sint dilapsa, requiras,
Et, quibus indigeas, destituare bonis.


Phryx Aesopus Habitu Poetico, by Hieronymus Osius, 1574 (artist not identified). Available online at the University of Mannheim. This book clearly recycles a set of images from another book of Aesop's fables. In some cases, the illustration does not match the fable shown, and in some cases I have not been able to identify what fable a given illustration is supposed to illustrate.