Aesop's Fables: Romulus Anglicus
90. de monte parturiente (p. 625 in Hervieux; Perry
520).
Contigit quod Mons parturire debuit; ex qua re, in magnis angustiis positus,
horribiles edidit gemitus, ita quod tota provincia inde contremuit, et
timuerunt universi, futuri prodigii malum exspectantes. Tandem vero, post
multas angustias et magnos gemitus, Mons murem peperit. Quod, ut vulgo
innotuit, omnes, qui ventura pericula timebant, animis recuperatis, in
risum conversi sunt.
Moralitas. Hoc exemplo monemur promissis non multum credere. Sunt enim
qui multa promittunt, sed pauca tribuunt, et sunt qui grandia minantur
et minima operantur.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la.
fin du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 564-652. |