<< Home Page | Rom. Nil. Metricae Index

Aesop's Fables: Romuli Nilantis Fabulae Metricae

11. de aquila et concha (p. 663 in Hervieux; Perry 490)

Prudentes falli en ualeant hic fraude maligna.
Telluris currens prolis per secula fatur
Ineptum, solis rapta testudine ripis,
Remigeris aquila tranante per ethera pennis.
Piscosam cepit rostro tunc frangere conc[h]am.
Cum propter potuit conc[h]am non ledere pisci,
Tunc cornix uolitans perfallax aera contra,
Blandiferis aquilam laudans ex uocibus infit :
Quam predam fuluis, aquila o, nunc faucibus affers!
Nam pondus portas magnum iam non sine causa.
Alto sic narrans aquila inquit gutture : Cuique,
Nec mihi, nec tibi quod pondus est utile porto.
Cui cornex blando respondit famine : Quare?
Tunc aquile ex unco perfudit talia rostro :
Quod concham esciferam duram nec frangere possim,
Non aliter ualeam tali testudine uesci.
Fraudiferis cornix fallax sermonibus inquit :
Consilium poteram tibi quo dare frangere possis
Concham, si prede partem mihi reddere faris.
Participem esse aquila in dause predeque fatetus.
Post cornix inquit, dicens hec ore loquati :
Remigeris trana conscendens ethera pennis,
Altius aduolitans uix usque ad sidera summa.
Tunc scropibus conc[h]am duris ut mitte fatescat.
Vescemur preda tali dulcique decora.
Sic aquila esciferam predam conc[h]amque refertam
Consilio uolucris fallentis perdit iniquo.
Falluntur proceres atque omnes famine sicque
Fallaces prauo quo possint fallere mites.


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 654-712.