<< Home Page | Rom. Nil. Metricae Index

Aesop's Fables: Romuli Nilantis Fabulae Metricae

13. de leone a feris spreto (p. 665 in Hervieux; Perry)

Si uires perdit quisquis, perdatque furorem.
Priscorum narrant nobis nunc dicta decora,
Cunctarum presul regnans princepsque ferarum,
Egrotans leo quod doluit per tempora fera :
Robore defecit cunctis a uiribus eger,
Atque dolor sternens tenuit per uiscera totum.
Tunc uisitantque fere egrotantem corpore cuncte.
Fraudiferis ueniunt timide...... ; set omnes,
Cernentes regem lucis tunc fine redactum,
Agmina pestifero gaudebant corde ferina.
Spumiferis furibundus aper tunc dentibus audax
Accedens miserum lacerabat ventre leonem,
Intima durifero perrumpens ilia dente,
Corniger atque latus taurus costasque leonis
Vulnificis aperit currens post cornibus altus.
Ast asinus tardo percussit calce caputque,
Pertingens cerebrum regalis uerticis usque.
Sic omnis tenuit quantum iam bestia uires,
Nature regnans illi tribuit ceu summa potestas,
Vindictam egroto reddit miseroque dolenti.
Tunc leo suspirans egris hec condibus infit :
Quamdiu terrificas tenui isto corpore uires,
Agmina regnabat per siluas cuncta ferina
Sic nomenque meum, iam magnus honorque timorque,
Auditoque meo ut tremeret tunc nomine cuncta
Bestia, uel uiso fugeret me calce citoque;
Horrida turbaret nec nunc me corde cicatrix,
Lederet en nocui si me turba ferarum;
Per precordia sed lacerat me langori enormis,
Quod feriuntque fere, fueram quis actibus insons,
Auxilium aut ollis prestabam tempore prisco.
Famosis membrorum sum quod uiribus absuqe,
Nec timor atque honor ast mihi nunc reddatus ab ullo.
Admonet hec proceres reges aliosque potentes
Fabula crudeles semper mitescere mores.