Aesop's Fables: Romuli Nilantis Fabulae Metricae
21. de homine inpregnante (p. 676 in Hervieux; Perry
520) Horrifice terret cause non cognita fama.
Iam priscus nostris rumor nunc auribus affert,
Quod primi constans secus homo dudum,
Quo, prignans uterum crescentem, nescio casu,
Femineo, scelus est dictu quod, more tenebat,
Parturiendi aptum propians ac tempus adesset.
Horrisonos gemitus reddebat non sine causa;
Pectore perflatus suspiria longa trahebat.
Pessima per fines latos tunc fama uolabat;
En cuncti membris homines ac corde tremescit.
Vaticinans populis mala quasi infasta futura
Atque uiro armigero reddens obpropria cuncto,
Turgida pestiferos fundens per uiscera flatus,
Quadrupedem peperit hirsuto corpore murem.
Ast iterum talis partus cum famine fama
Per terras currit, spargens hec ore loquaci,
Atque tremor turme quos ante inuaserat omnes
Spem rectam firmant iterum accepteque salutis.
Infaustum quod ante putabant omnibus esset,
Aduenit pestem ad nullam post fine malorum.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la. fin
du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 654-712. |
