<< Home Page | Rom. Nil. Metricae Index

Aesop's Fables: Romuli Nilantis Fabulae Metricae

27. de accipitre et luscinia (p. 685 in Hervieux; Perry 567)

Hec timeat fallax iam queque minoribus infert.
Hic priscus nostras infit nunc rumor in aures
Ancipiter quodam scandens quod culmina ligni
Frondea ramigeri nidum pullosque sacernos,
Quos melicis modulans genuit luscinia bombis,
Inuenit, cupiens esset si turbidus ether
Cernere flammigeris auidisque obtutibus altus.
Sed genitrix non adfuit illo tempore presens,
Pastum fauce legens pullisque loquacibus escas,
Ancipiterque ferox cepit set cernere truxque
Desertos genitrice satos ac pignora cara.
Arida pullorum optatis iam gutture pulpis
Cum saturare cibo ac cogitabat uiscera dulci,
Ocius ast nemoris uenit luscinia ruscis.
Carnificem tremibunda precatus noce creatrix,
Parceret ut proli aurisone gnatisque sororis.
Ancipiter mendax fallaci pectore promit :
Omnia queque rogas faciam nunc corde retruso,
Dulcisoni argonicas cantes si carminis odas,
Ceu sollers cantans modulaueris, ardua nempe
Culmina cum tropice scandit titania flamma,
Armonicusque tuo cantu tunc intonat e[t]her,
Arboreumque simul necnon nemus omne remugit.
Turbida cui tremulus pandit luscinia rostris
Talia ter terne dictant que carmina muse :
Dico meis module timidis nunc mentibus absint,
Quod magnum cunctos horrens tremor obtinet artus.
Quod si igitur comptos nostro modulamine cantus,
O, cupidis audire, uorax, nunc auribus obtas,
Ocior aligeris transfer te gressibus inde,
Vt melius modulos modulari carmine possim.
Ancipiterque uolans se transtulit inde seorsum.
Versificans mira incepit luscinia musa.
Simphonico altitonos dictans modulamine uersus,
Bis quadrosque sonos finiuit genere muse.
Ancipiter promit fallens hec ille reuersus :
At male uersificis modulata es carmina rostris.
Cum raptor rapuit pullum per colla tenellum,
Et cepit plumas curuo decerpere rostro,
Mandere post posset sorbens ut uiscera cuncta.
Tunc auceps calamum componens fraude dolosum
Porrexit, uiscum ponit cui culmine lentum,
Ancipitrem insidiis tendit ac iure canendi.
Sic quisquis mendax alia deluditur arte,
Ceu miseros fallit possit quos fallere corde.


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 654-712.