<< Home Page | Rom. Nil. Metricae Index

Aesop's Fables: Romuli Nilantis Fabulae Metricae

41. de leone et cervis (p. 710 in Hervieux; Perry 142)

Qui regis facile intrat nec sic deserit aulam.
Ast priscus labris sparsit nunc sermo politis,
Quod leo, frondigeros dumos lucosque peragans
Corporeisque tenens lassos sine uiribus artus,
Cornigeros ceruos uenari in saltibus optans,
Abdita tunc antri conscendit tegmina fusci,
Ac requiem membris strophosa mente requirit.
Falsidi[ci]s dicens labris quod corde doleret,
Imperat atque feras diuerso calle uenire,
Quas lectas stigeo mactans transmittent orco.
Postque fere glomerant magna stipante tacerna;
Ad quem conueniunt directo tramite passim,
Quid facerent rogitantes turme pectore mites,
Quo aut uenari illi deberent saltibus ipse.
Sed postquam quadris intrabant gressibus intus,
Tunc leo mortiferis mactauit rictibus illas,
Atroxque ingluiem compleuit carne ferina,
Atque lauit tetra sanguis tunc ora cruenta;
Concessitque aliis pulpe, post, frusta relicte
Que toruus poterit non mandere gutture farto.
Cum uulpis uero aduenit iam callidus arte,
Ante fores antri binis bis cruribus instans,
Atque uagans plantis huc necnon circiter illuc,
Pacifisque sagax uerbis dictisque salutat
Mortifero toruum mactantem ac more leone.
Qui leo falsidicis promens hec fatibus infert :
O prudens animis uulpis, celeberrime, care,
Cur solus maneas extra nunc limina tecti?
Curque antri fidi non intras tegmina nostri?
Cernuus at uulpis dicens cui pectore promit :
Terere nunc timidis intra nos non audeo plantis,
Quod multorum intro in tectum uestigio cerno,
Nulla foras ualeant autem uestigia cerni.
Sic intrat facile excelsum quis doma (sic) potentum,
Sedque modo simili semper non deserit illud,
Cum proceres nectunt legis per retia multos................
incomplete