<< Home Page | Rom. Nil. Rhythmicae Index

Aesop's Fables: Romuli Nilantis Fabulae Rhythmicae

Book 1.12: de aquila et vulpecula (p. 722 in Hervieux; Perry 1)

Catulos Vulpeculae     fertur rapuisse
Ingens nuper Aquila,     pullisque tulisse,
Et dicunt Vulpeculam     secutam fuisse,
Et sibi pro catulis tristem nimis ingemuisse.

Vulpes petit catulos     sibi restaurari,
Sed, ut vidit penitus     ipsos denegari,
Ignem ferens ocius     facit inflammari,
Et coepit pullis Aquilae fera fata minari.

Expavescens Aquila     supplex postulavit
Ut flammas extingueret,     et mox restauravit
Catulos Vulpeculae     quos prius negavit.
Quod Vulpes sumens ad propria tecta meavit.

Moralitas.
Haec praelatos admonet     ne sint effrenati
Erga subditos suos,     cum sint cathedrati.
Nam potest contingere,     quod modo substrati
Post modicum sedeant in summa sede locati.

Version in Wright's Latin Stories:

XII. DE AQUILA ET VULPECULA.

CATULOS vulpeculae fertur rapuisse
Ingens nuper aquila, pullisque tulisse ;
Et dicunt vulpeculam secutam fuisse,
Et sic pro catulis tristem nimis ingemuisse.
Vulpes petit catulos sibi restaurari :
Sed ut vidit penitos ipsos denegari,
Ignem ferens ocius facit inflammari,
Et caepit pullis aquilae fera fata minari.
Expavescens aquila supplex postulavit
Ut flammas extingueret, et mox restauravit
Catulos vulpeculae, quos prius denegavit,
Quos vulpes sumens ad propria tecta meavit.
MORALITAS.
Hic praelatos admonet ne sint effraenati
Erga subditos suos, cum sint cathedrati :
Nam potest contingere quod modo substrati
Postmodum sedeant in summa sede locati.

 


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755, and also the readings in Thomas Wright's A Selection of Latin Stories, from Manuscripts of the Thirteenth and Fourteenth Centuries. London: 1842 (online).