<< Home Page | Rom. Nil. Rhythmicae Index

Aesop's Fables: Romuli Nilantis Fabulae Rhythmicae

Book 2.10: de bello animalium (p. 736 in Hervieux; Perry 566)

Inter animalia     bellum movebatur,
In quo strages maxima     mortis habebatur.
Tutis Vespertilio     locis morabatur,
Et cui se parti potius societ meditatur,

Cernens animalia     cuncta proeliari.
Sed ut quadrupedia     vidit dominari,
Illis Vespertilio     vult associari,
Contemptis avibus quas vidit subpeditari.

Post ut ingens Aquila     ferox proeliatur,
Ut de quadrupedibus     palma consequatur,
Redit Vespertilio     quibus sociatur,
Et sic utrumque pro belli sorte locatur.

Sed tandem cum nimius     tumultus sedatur,
Fallax Vespertilio     iure condemnatur.
Visus carens lumine     pennis spoliatur,
Et, quasi lucivagus exul, de nocte vagatur.

Moralitas.
Hic fallaces arguit,     semper incedentes
Casibus in prosperis,     et mox abcedentes,
Adversis temporibus     suos deserentes,
Demum succumbunt poenas pro fraude luentes.


Version in Wright's Latin Stories:

X. DE BELLO ANIMALUM

INTER animalia bellum movebatur,
In quo strages maxima mortis habebatur;
Tutis vespertilio locis marabatur,
Et cui se parti potius societ mediatatur,
Cernens animalia cuncta præliari;
Sed ut quadrupedia vidit domiari;
Illis vespertilio vult associari,
Contemptis avibus quas vidit suppediatari.
Post ut ingens aquila ferox præliatur,
Ut de quadrupedibus palma consequatur,
Redit vespertilio quibus sociatur,
Et sic utrumque pro belli sorte lucratur.
Sed tandem cum nimius tumultus sedatru,
Fallax vespertilio jure condempnatur;
Visus carens lumine pennis spoliatur,
Et quasi lucivagus exul de nocte vagatur.
MORALITAS.
Hic fallaces arguit semper intendentes
Casibus in prosperis, et mox abcedentes
Adversis temporibus, suos deserentes,
Demum succumbunt poenas pro fraude luentes.

 


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755, and also the readings in Thomas Wright's A Selection of Latin Stories, from Manuscripts of the Thirteenth and Fourteenth Centuries. London: 1842 (online).