<< Home Page | Rom. Nil. Rhythmicae Index

Aesop's Fables: Romuli Nilantis Fabulae Rhythmicae

Book 2.12: de cervo siciente (p. 737 in Hervieux; Perry 74)

Sitiens ad flumina     Cervus properavit.
Videns umbram cornuum,     multum se iactavit,
Et crura gracilia     nimium culpavit.
Attamen extollens multum se magnificavit.

Inter haec latrantium     voces audiebat.
Cervus mortem metuens     fugam capiebat.
Magnitudo cornuum     quem propediebat
Currere ne posset; querula tunc voce gemebat:

Miser, inquam, fatuus,     magis extollebam
Digna vituperio,     sic insolescebam.
Dum laudavi cornua,     crura contemnebam.
Amplius illa nocent mihi quae plus cara tenebam.

Moralitas.
Stultorum stultitiam     vult hic increpare,
Qui commendant uitia,     prompti reprobare
Virtutis insignia,     docti depravare
Quae laudanda manent, quae depravanda probare.


Version in Wright's Latin Stories:

XII. DE CERVO SITIENTE.

SITIENS ad fluvium cervus properavit;
Videns umbram cornuum multum se jactavit,
Et crura gracilia nimium culpavit:
Attamen extollens multum se magnificavit.
Inter hæc latrantium voces audiebat;
Cervus mortem metuens fugam capiebat,
Magnitudo cornuum quem præpediebat
Currere ne possit: querula tunc voce gemebat.
"Miser," inquit, "fatuus, magis extollebam
Digna vituperio, sic insolescebam,
Dum laudavi cornua crura contempnebam;
Amplius illa nocent mihi quæ plus cara tenebam."
MORALITAS.
Stultorum stultitiam vult hic increpare,
Qui commendant vitia, prompti reprobare
Virtutis insignia, docti deprivare
Quæ laudanda manent, quæ deprivanda probare.

 


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755, and also the readings in Thomas Wright's A Selection of Latin Stories, from Manuscripts of the Thirteenth and Fourteenth Centuries. London: 1842 (online).