Aesop's Fables: Steinhowel
6.8. De muribus et catto
(Perry 79)
[See an illustration from a 1501 edition.]
Vir prudens semel si fallitur, fictis et simulatis hominibus non
amplius fidit. De hoc audi fabulam. Domo quapiam, quod per plures
forent mures, cattus persentiens illuc accessit atque nunc unum, nunc
alium capiens quamplures interimendo comedit. Verum mures, cum se in diem
consummi perciperent, ad unum coacti inquiunt secum: Decetero inferius
non esse descendendum, si nolumus perditum iri omnes, sed hic superius
manendum, quo cattus ascendere non potest. At cattus consilio murium precepto
simulans se mortuum esse posterioribus pedibus se ad palum suspendit,
qui fixus parieti erat. E muribus quispiam deorsum acute prospiciens ut
cattum esse cognovit non infacete ait: Heus amice, et si te follem certo
scirem, deorsum minime descenderem. Significat ergo fabula, quod semel
deceptus simulatoribus amplius credere non debet.
Steinhowels Asop, ed. Hermann Osterley (1873). Some of these fables have digitized text; others have only page images. The digital page images are from Google Books. You can also consult the illustrated 1501 edition of Steinhowel's Aesop. Note that Book 7 contains poems from Avianus, so there is no text or page image for the fables in Book 7. |