Aesop's Fables: Walter of England
Fable 10. de rustico et colubro.
Perry 176
Dum nive canet humus, glacies dum sopit aquarum
Cursus, in colubrum turbida sevit hiems;
Hunc videt, hunc reficit hominis clementia: ventum
Temperat huic tecto, temperat igne gelu.
Ore serit virus coluber, sic toxicat edem;
Hospes ait colubro: non rediturus abi.
Non exit coluber nec vult exire, sed heret
Amplectensque virum sibila dira movet
Reddere gaudent homo nequam pro melle venenum,
Pro fructu penam, pro pietate dolum.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |