Aesop's Fables: Walter of England
Fable 14. De aquila et testudine.
Perry 490
Pes aquile, predo testudinis, aera findit.
Hanc sua conca tegit, cornua longa latent.
Hoc monitu cornix aquilam premunit: "Ineptum
Fers honus, at fiet utile, crede mihi;
Quod geris in conca, cibus est: tibi surripit illum
Conca cibum; concam frange cibusque cadet.
Ut concam lanies, pro viribus utere sensu;
Hanc, si celsa cadat, saxea franget humus."
Decipientis homo subversus turbine lingue
Corruit; et fortes ista procella rapit.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |
