<< Home Page | Walter Index

Aesop's Fables: Walter of England

Fable 2. De lupo et agno.

Perry 155

Est lupus, est agnus: sitit hic, sitit ille, fluentum
Limite non uno querit uterque siti.
In summo bibit amne lupus, bibit agnus in imo.
Hunc timor impugnat verba movente lupo:
"Rupisti potumque mihi rivoque decorem."
Agnus utrumque negat se ratione tuens:
"Nec tibi nec rivo nocui: nam prona supinum
Nescit iter nec adhuc unda nitore caret."
Sic iterum tonat ore lupus: "Mihi damna minaris?"
"Non minor," agnus ait. Cui lupus: "Immo facis;
Fecit idem tuus anter pater sex mensibus actis:
Cum bene patrisses, crimine patris obi."
Agnus ad hec: "Tanto non vixi tempore." Predo
Sic tonat: "An loqueris, furcifer?" huncque vorat.
Sic nocet innocuo nocuus, causamque nocendi
Invenit. Hi regnant qualibet urbe lupi. 


Text as published in Boldrini, Sandro. Uomini e bestie: le favole dell Aesopus latinus. Lecce: Argo, 1994.