Aesop's Fables: Walter of England
Fable 33. De vulpe et ciconia.
Perry 426
Vulpe vocante, venit speratque ciconia cenam;
Fallit avem liquidus, vulpe iocante, cibus.
Cum bibat ista cibos, solum bibit illa dolorem:
Hic dolor in vulpem fabricat arma doli.
Sunt pauci mora pauca dies; avis inquit: "Habemus
Fercula que sapiunt: dulcis amica, veni."
Hec venit; hec vase vitreo bona fercula condit,
At solam recipit formula vasis avem.
Laudat opes oculo vasis nitor; has negat ori
Formula: sic geminat visus odorque famem.
Sic vulpes ieiuna redit, sic fallitur audens
Fallere, sic telo leditur ipsa suo.
Quod tibi non faceres alii fecisse caveto,
Vulnera ne facias que potes ipse pati.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |
