Aesop's Fables: Walter of England
Fable 38. De lupo et vulpe.
Perry 474
Respondere lupo de furti labe tenetur
Vulpes; causa vocat: hic petit, ille negat.
Simius est iudex; docti non errat acumen
Iudicis: archanum mentis in ore legit.
Iudicium figit: "Poscis quod poscere fraus est
Visque fidem de re quam negat ipsa fides.
Tu bene furta negas: te vite purior usus
Liberat. Hanc litem pax domet." ira cadit
Simplicitas veri, fraus estque puerpera falsi:
Esse solent vite consona verba sue.
Sordibus inbuti nequeunt dimittere sordes.
Fallere qui didicit, fallere semper amat.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |
