Aesop's Fables: Walter of England
Fable 4. De cane et ove.
Perry 478
In causam canis urget ovem; sedet arbiter, audit.
Reddat ovis panem vult canis, illa negat.
Pro cane stat milvus, stat vultur, stat lupus: instant
Panem, quem pepigit reddere, reddat ovis.
Reddere non debet, nec habet quid reddere possit;
Et tamen ut reddat arbiter instat ovi.
Ergo suum, licet instet hiems, pervendit amictum,
Et boream patitur vellere nuda suo.
Sepe fidem falso mendicat inertia teste,
Sepe dolet pietas criminis arte capi.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |
