Aesop's Fables: Walter of England
Fable 50. De patre et filio.
Perry 540
Est pater, huic natus; hic patri cedere nescit:
Nam fugienda facit et facienda fugit.
Mens vaga discurrit et menti consonat etas:
Mentis et etatis turbine frena fugit.
Ira senis punit pro nati crimine servos.
Instruit ista senem fabula nota seni.
Cauta bovem vitulumque manus supponit aratro:
Hic subit, ille iugum pellit. Arator ait:
"Gaude, letus ara, tu quem domat usus arandi.
A bove maiori discat arare minor.
Non placet ut sudes, sed des exempla minori,
Qui pede, qui cornu, pugnat abire iugo."
Sic domat indomitum domito bove cautus arator,
Sic veterem sequitur iunior ille bovem.
Proficit exempli merito cautela docendi,
Maiorique sua credat in arte minor.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |
