Aesop's Fables: Walter of England
Fable 56. De simia et vulpe.
Perry 533
Simia de turpi queritur nate; porrigit aures
Vulpes: non recipit mente, sed aure preces.
Simia sic fatur: "Natis ut mihi dedecus ornem
Sufficeret caude pars mihi parva tue.
Quid prodest nimia campos insculpere cauda?
Quod mihi prodesset, est tibi pondus iners."
Illa refert: "Nimio damnas de pondere caudam:
Est brevis estque levis; hec duo damna queror.
Malo verrat humum quam sit tibi causa decoris,
Quam tegat immundas res bene munda nates."
Id nimium minimoque minus ditaret egenum,
Quod nimium minimo credis, avare, minus.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |