Caspar Barth (1612)
Book 1 - Fable 3. Rana et Bos.
PAlude rana viderat sua vacans
Bovem, atque magnitudinem
Feri aemulata, maximum dedit sonum,
Rogatque filios, bovi
An esset ipsa par modo amplitudine,
Negantibus; vice altera
Cutem canore prorsus inflat absono
Rogatque denuo, ut prius.
Negantibusque ut ante rupta tertio
Labore, pessime perIt.
Inops, Potentis aemulator, interit
Domestica superbia.
Caspar von Barth (1587-1658). Fabularum Aesopiarum Libri III, published in 1612. Available online at the University of Mannheim. |
