<< Home Page | J&D Latin Reader Index

Aesop's Fables in J&D Latin Reader

Fable 38. Haedus et Lupus

Cum haedus
evasisset lupum
et confugisset in caulam ovium,
Quid tu, stulte,
inquit ille,
hic
te salvum futurum
speras,
ubi quotidie
pecudes rapi et diis mactari
videas?
Non curo,
inquit haedus;
nam si moriendum sit,
quanto praeclarius mihi erit,
meo cruore
aspergi aras deorum immortalium
quam irrigari siccas lupi fauces.
Haec fabula docet,
bonos
mortem quae omnibus imminet,
non timere,
si cum honestate et laude
coniuncta sit.


The First Part of Jacobs & Doering's Latin Reader by E.A. Andrews (1857). Available online at Google Books.