Aesop's Fables and Other Parables: Odo of Cheriton
57. DE PELLICANO.
Perry
Et applicatur passioni C[h]risti.
Pellicanus, quando pulli sui erigunt rostrum et picant contra ipsum, interficit
eos. Postea, cum uidet pullos suos mortuos, pietate motus, extra[h]it
sanguinem de latere et super filios suos respergit, et reuiuiscunt.
Sic Adam et Eua contra Dominum picauerunt, quando, transgrediendo preceptum
ipsius, pomum uetitum comederunt. Et ipse iratus picauit contra ipsos
et interfecit, quia mortui sunt in anima, mortales in corpore. Dominus
misericordia motus permisit sanguinem et aquam extrahi de latere suo,
respersit super pullos suos, scilicet humanum (sic) genus, et sic reuixerunt.
Aquam respergit, cum baptizantur, sanguinem, quando, in fide sanguinis,
in fide passionis Christi saluantur, et quando sanguis ipsius in sacramento
sumitur. Versus: / Vt Pellicanus fit Patris sanguine sanus, / Sic genus
humanum fit Christi sanguine sanum. / Vnde uox Christi: Similis factus
sum Pellicano solitudinis.
 The
Latin text of Odo shown here is taken from Léopold Hervieux, Les fabulistes
latins depuis le siècle d'Auguste jusqu'à la. fin du Moyen-Age (1893-1899).
There is a delightful English translation of Odo by John Jacobs, which is still
in print. It's a lovely book!
|
