Phryx Aesopus (Osius, 1574)
155. PROXIMUS SIBI QUISQUE. (Perry
0)
MOTA gravi quondam tetigere pericula morbo,
Femina cui clari nominis uxor erat.
Quem non posse diu cum vivere signa docerent,
Paene mori coniux visa dolore fuit.
Eiulat, et Mortem lamentis usa lacessit,
Se cito pro caro tollat ut illa viro.
Atrox cui tandem Mors saepe vocata propinquat,
Et, sese lacrimans quid velit illa, rogat.
Horribili specie sed iam perculsa reponit
Aegra voluntatem, femina mota metu.
Adque viri lectum iubet anxia tendere Mortem,
Hunc ait esse mori quem sua fata velint.
Ut doleant alii, mala te cum tristia tangunt,
Esse sibi melius, quam tibi, quisque volet.
Sunt, sibi qui mortem verbis audacibus optant,
Detrectare tamen, cum subit hora, solent.
*** The drawing does not fit the fable. ***
This shows an image from The Life of Aesop.
Phryx Aesopus Habitu Poetico, by Hieronymus Osius, 1574 (artist not identified). Available online at the University of Mannheim. This book clearly recycles a set of images from another book of Aesop's fables. In some cases, the illustration does not match the fable shown, and in some cases I have not been able to identify what fable a given illustration is supposed to illustrate. |
