Phryx Aesopus (Osius, 1574)
192. DIVINATOR. (Perry
161)
IN medio temere quidam responsa solebat
His dare, qui sese consuluere, foro.
Ex improviso cui nuntius advenit olim,
Reclusam memorans illius esse domum.
Tota manu furum sua cui sit adempta supellex
De cunctis reliquum nil docet esse bonis.
Territus indicio vates hoc tecta revisit,
Ire quis huc riso cui properanter ait:
Heus aliena sagax tu cum praescire labores,
Ut tua negligeres cur male sanus eras?
Sunt, ipsi morum qui non sine crimine vivant,
Quos curare tamen non aliena pudet.
Castigare suis alios sermonibus audent,
Cum nihil hi, laudem quo mereantur, agant.
*** This image does not fit the fable. ***
Phryx Aesopus Habitu Poetico, by Hieronymus Osius, 1574 (artist not identified). Available online at the University of Mannheim. This book clearly recycles a set of images from another book of Aesop's fables. In some cases, the illustration does not match the fable shown, and in some cases I have not been able to identify what fable a given illustration is supposed to illustrate. |
