<< Home Page | Phryx Aesopus (Osius) Index

Phryx Aesopus (Osius, 1574)

244. PISCATOR STOLIDUS. (Perry 0)

DEmittens hamum fluvii Piscator in undas,
Hoc opere est totum passus abire diem.
Non tribus ille tamen plures e flumine pisces
Sustulit, ut lubitum [Reg: libitum] est inde redire domum.
Extraxisse tamen cunctos qui iactitat hamo,
Se pisces, quibus hac obvius ille fuit.
Quid si turba tuo non omnis adhaeserit hamo,
Talia iactando desipis, unus ait.
Ille diem totum quin astans, inquit, ad amnem,
Ut caperem: solita sedulus arte fui.
Quod plures essent in eo si flumine pisces,
Non mea vitassent aera sepulta cibo.
Sunt, qui posse suas, quantum mens somniat artes
Iudicio stolidos esse probante putant.

** The same image is used for Fable 87. **


Phryx Aesopus Habitu Poetico, by Hieronymus Osius, 1574 (artist not identified). Available online at the University of Mannheim. This book clearly recycles a set of images from another book of Aesop's fables. In some cases, the illustration does not match the fable shown, and in some cases I have not been able to identify what fable a given illustration is supposed to illustrate.