<< Home Page | Phryx Aesopus (Osius) Index

Phryx Aesopus (Osius, 1574)

277. DE RHINOCEROTE INcurrente in rupem. (Perry 0)

ESt fera, cui validae grandi sunt corpore vires,
Quamque tegit clypei squamea more cutis.
Cuique suis cornu de naribus eminet unum,
Nomen ab hac specie Rhinocerotis habet.
Conspicit ex genere hoc Corvum cum rupe sedentem
Sustinet hanc omni nitens incurrere rupem
Robore, credibili vis ea maior erat.
Deturbare volens concusso monte volucrem,
Impetus effectu sed caret ille suo.
Tanta fatiganti rupem violentia cornu
Frangit, et hoc casu robur inerme facit.
Haec mala maerentem deridet inertia Vulpes,
Hunc ibi quam perhibent praeteriisse locum.
Adque evertendas alia indicat arma requiri
Rupes, at vox haec sera monentis erat.
Ni regat audendi validas prudentia vires,
Exitii causam saepe ciere solent.

(no illustration)


Phryx Aesopus Habitu Poetico, by Hieronymus Osius, 1574 (artist not identified). Available online at the University of Mannheim. This book clearly recycles a set of images from another book of Aesop's fables. In some cases, the illustration does not match the fable shown, and in some cases I have not been able to identify what fable a given illustration is supposed to illustrate.