 |
 |
Aesop's Fables: Romulus Anglicus120. de lupo et herinacio (p. 640 in Hervieux; Perry). Lupus et Herinacius socio iungebantur federe. Contigit interim Lupum
minus caute ambulantem in cyppum intrare, et captus est pede. Rogavit
ergo socium suum Herinacium, ut ei fideliter assisteret, et, in tanta
necessitate, ut bonus socius sibi subveniret. Cui respondit Herinacius
: Subvenire vobis minime possum, antequam sancti, a quibus ligatus estis,
vos absolvant. Multa enim, reor, pro satisfactione excessuum, sanctis
vovistis, que, ut michi videtur, non bene persolvistis, carnium videlicet
abstinenciam vel aliqua huiusmodi, et inde vobis offensi permiserunt vos
in laqueum venire. Agendum ergo vobis est pro gracia eorum; quam si optinueritis,
poterit vobis prodesse mea societas; aliter non, quia divine voluntati
obviare nullatenus audeo. The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 564-652. |
