Aesop's Fables: Romulus Anglicus
132. de catto infulato (p. 646 in Hervieux; Perry).
Cattus sedit super fornacem, infulatus et baculo suo innixus, Muresque
convocans et Sorices, episcopum se esse dixit et ad benedictionem suam
eos inclinari precepit et sibi fieri obedientes. Cui antiquues Sorex sic
respondit : Carius est michi ut moriar paganus quam quod sub vestra manu
fiam christianus. Tunc ergo Mures et Sorices, a benedictione ipsius fugientes,
in suis se latebris occultarunt, et Cattus, mitram exuens, episcopatum
deposuit.
Moralitas. Sorex timuit, si Catti imperio se subdidisset, quod ab eius
dominio, cum vellet, non se facile absolveret, quia leve est alterius
potestati [se] subiicere; sed inde avelli solet esse dificile.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la.
fin du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 564-652. |