<< Home Page | Rom. Ang. Index

Aesop's Fables: Romulus Anglicus

68. de pictore et uxore sua (p. 611 in Hervieux; Perry).

Quidam Pictor fuit : quod qui pingebat, Uxore sue ad suendum commendabat, ut in singulis quos ipse fecerat trac(ta)tibus ipsum consuendo imitaretur. Respexit Pictor et vidit ineptum opus; et cepit incusare operatricem de negligencia. Videns ergo illa Virum iratum, et sciens quia non fuerat negligens, sed debito modo prescriptos tractus fuerat insecuta, respondit Pictori : Tu me asseris opusculum deformasse, cum ego nichil aliud adiecerim vel de[pres]serim quam quod tu depinxeras. Disce igitur primum tractus tuos recto ordine formare, ut ego apte tuam valeam imitari prudenciam.
Moralitas. Sic multi sunt, qui culpas suas in alios ref[l]ectunt, et unde ipse corrigendi essent, alios corripiunt.

The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 564-652.