Aesop's Fables: Romulus Anglicus
76. de simia et vulpe (p. 616 in Hervieux; Perry
533).
Symea vidit Vulpem longam gerente[m] caudam et dixit ei : Miror quid
tibi valeat hec longa cauda; et est res dissimiliter divisa, cum tibi
superfluit, ego autem et pueri mei sine ea nascimur et incedimus. Cum
ergo tibi sit magis oneri quam utilitati, maxime cum venatores insecuntur,
vellem ut una nobiscum eam divideres, quia pars eius que tibi superfluit
maximum nobis posset prestare honorem. Cui respondit Vulpes : Etiam si
adeo esset prolixa et gravis cauda mea ut eam vix trahere possem, nec
tu nec pueri tui umquam inde honestarentur.
Moralitas. Sic est de divitibus cupidis et avaris : licet habeant plus
quam satis, numquam tamen de superfluitatibus suis minus habentibus impertiri
volunt.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la.
fin du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 564-652. |