Aesop's Fables: Romuli Nilantis Fabulae Metricae
10. de vulpe et aquila (p. 662 in Hervieux; Perry
1)
Infirmum ledat spernens ne fortior ullum.
Nunc rumor narrat piscus uolitansque per orbem,
Vulpinos aquila abstrax quod matre catellos
Plumigeris tradens pullis nidoque reponit,
Carne ferina optans caros tunc pascere fetus.
En uulpina dari genitrix pessumque precatur
Jam prolem, raptrixque sibi alto hecore (sic) superba
Tunc infit, misere dicens matrique roganti :
O genitrix, prolis tibi nunc quid pertinet ista?
Pullorumque tui adsistunt nunc esca catelli.
Atque sagax uulpis, conuertens plena dolore,
Flam[m]iferum citis rapuit tunc passibus ignem.
(Ab)ethereo (pro)ad robur procerum culmine nidvm
Quod suffert leuibus contendit gressibus amplvm,
Atque rogi flammas succendit ad arboris ima.
V[u]lcanus piceas fumi per robora nubes
Transmittit, ramos comburens frondibus altos.
Cum spernens aquila ardentem pertingere nidum
Conspiceret flam[m]am, clamans tunc uoce precatur
Ut uulpis fetus proprios iam spreta teneret
Lenius atque ardor pullis extinctus adesset,
Quem uulpes cogitans succendit mente sagaci,
Redderet ut uolitans genitrix sibi pignora cara;
Ac uulpis meruit caros sic sumere fetus.
Admonet hec fortes mortales fabula cunctos,
Ne spernent ullos nummos in corporis aptos,
Quod uicibus reddunt illis sic talia facta.
The
Latin text shown here is taken from Léopold Hervieux, Les
fabulistes latins depuis le siècle d'Auguste jusqu'à la. fin
du Moyen-Age (1893-1899). Volume 2.: Phèdre
et ses anciens imitateurs directs et indirects, pp. 654-712. |
