<< Home Page | Rom. Nil. Metricae Index

Aesop's Fables: Romuli Nilantis Fabulae Metricae

19. de sue et lupo obstetrice (p. 674 in Hervieux; Perry 547)

Credere non debet fidens ullus inimico.
Sermonis uolitans nobis fert fama uestusti,
Quod lupus inueniens grauidam de morte suemque,
Parturiente ex apto tempore pignora cara
Non modica duri partus ac peste gementem,
Horrisonis ad eam respondens rictibus, inquit :
O soror, hoc fetus terris nunc tempore redde;
Officii obstetricis fido munere fungar;
Ast ueni, reddens tibi ut hec solatia ferrem.
Cui scrofa iam tremulo respondit famine gignes :
Femineo ut fueris, dignum non, more minister;
Femina, gignendo, ut sexum sic ulla uirilem
In tali obtineat, nunc absit, lege ministrum.
Deprecor ut tribuas misere mihi, frater, honorem,
Quamdiu nunc gignam fetus hic, atque recedas;
Tunc satius potero inclausos exponere setus.
Ast tua, te quondam iam gnatum enixa, creatrix
Tunc obstetrici noluit se credere tali.
Passibus ad tempus pergens en ille recessit;
Ast illa inspirans genuit per uiscere fetus,
Lactiferoque nutriuit pascens ubere natos.
Tunc male si que lupo pariret iam crederet ipsi.
Fallaci fidat credens nullus inimico,
Dicenti quamuis semper sibi blanda per ora.