<< Home Page | Rom. Nil. Metricae Index

Aesop's Fables: Romuli Nilantis Fabulae Metricae

29. de meretrice (p. 687 in Hervieux; Perry 555)

Fallacem caueat simplex ac corde dolosum.
Antiquus factus concurrens sermo per aures,
Femina quod quedam, meretrix non corpore casta,
Ardua famosi coluit iam menia castri.
Sic mecha en maculat uiuens sua membra, nefande
Vt iuuenes urbis nocitans ad turpia queque
Deciperet pelex multos iam dote recepto.
Infelix nequiter uixit cum tempore sero;
Ast iuuenem thalamis quendam, post, turpibus auxit,
Conubium (sic) illius cunctis ceu pulcrius esset,
Nec minus ad meretricem mente cupido retraxit.
Corporeis iuuenem succendens torribus illum,
Femina tunc iterum prisco decarpitus igni,
Vnius thalamum nolens seruare mariti,
Plurima sed sequitur ueteris uestigia flamme,
Quodque cupido trahens illam, genitrixque camena
Clammigeris sequitur cupidis ac passibus ardens.
Non latet hoc iuuenem uisu sensuque refertum;
Sed meche cipridis nouit ceu facta secuta est.
Femina, sic uiuens, tandem post tempora sera
Fallaci promisit dicens hec corde marito :
Ceu tirea ignifero dilexit pectore dido
Dardanium eneam regali stirpe creatum,
Oque decens coniu(n)x uestrum sic diligo uultum.
Tunc olli simili confert hec ore maritus :
O lux, cura, decus fulgens, es gloria nostra.
Discere sic mea mens in te flam[m]escit et imo,
Vt pastor quidam conflagrans ideus arsit,
Argolica furtim rapiens in coniuge raptor.
His iuuenis lipidis ludunt ac femina dicits;
Diludunt uerbis se fantes talibus ambo.


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 654-712.